Bob Lapierre

Feliks Gep Nan Bwa Bob Lapierre

Apre mwen te fin rakonte nou yon lis kont lakay, "Bouki ak Malis" ou "Jan Sòt ak Jan Lespri." Apre mwen te fin byen eksplike nou rezon ki lakòz mwen prese ranmase trezò literè nou yo tankou Choukoun, Antwàn Lan Gomye, Tezen, elatriye, mwen ta renmen rakonte nou yon lòt ti istwa mwen te viv lè m te jenn tibway ap jwe nan raje, nan chan kann, bannann, mayi ak pitimi, nan ravin, sou lakolin, anba pye mòn, sou tèt mòn, sou lateras, sou pye bwa, anba pye bwa, nan gwòt, bò larivyè, sou laplaj, avèk "ti" zanmi m yo, myèl, gèp, cheni, zandolit, mabouya, ti yaya (grenouy), kribich, chadron, lasigal, papiyon, pyelou, poudbwa, vètè, foumi, krikèt, elatriye. Sa a, se istwa Ti Feliks gèp nan bwa.