Ediho Kengete Ta Koi Lokanga

Masapo Ediho Kengete Ta Koi Lokanga

Na buku oyo ya Masapo, tolobeli makambo oyo etali, Bolingo, Bosangani mpe Bosalisi. Bandeko ba ngayi, nakanisi biso nyoso, tokoyekola makomami oyo ezali na kati ya buku oyo. Buku oyo ekomami na bolingi bwa Tata Nzambe a Mpungu, Nzakumba. Ngayi oyo nakomi yango, nasali kelasi te oyo ya bokomi Masapo, nazali moluki, molukiluki ya fiziki, eletoniki, na efomatiki, moto oyo azali koluka, na mipesi na mosala ya mwa boluki zebi. Mobembo monene nasalaki na mboka ya Kongo-Kinshasa, na libota na ngayi mobimba, kokutana na baboti ba ngayi na baboti ya muasi na ngayi na Kongo-Brazaville, efungoli ba nzela mingi, ndenge na ndenge. Nazuaki bobandi ya Bukongo, yango efungoli ngayi pona koka koyeba Bankoko ba ngayi ba Penge-Onadikondo, Sankuru. Bango oyo bazali na mokili ya Muela Kongo, nde bazali kosunga, bafungoli ngayi, miso, matoyi, na mayele ya bokomi. Muke oyo bokotanga, bokabola yango na ba oyo nyoso bazali na mposa ya koyekola mpe ya koyeba. Kimia, bolingo, boboto, na bondimi, ezala na kati bwa bino. Natondi bino mingi mpenza. Wabino ndeko Dk. Ediho Kengete Ta Koi Lokanga