Tatay Jobo Elizes Pub

Buhay at Pag-ibig Tatay Jobo Elizes Pub Tagalog edition

Habang iminumulat ko ang aking mga mata sa paligid ko. Marami akong nakikita na minsan ay hindi ko maintindihan. Bakit may mga gulo, bakit may mga hindi pagkakaunawaan ang mga tao? Bakit parang ang hirap makamtan ang kapayapaan dito sa mundo? Bakit may mga babaeng umiiyak at nasasaktan? Bakit maraming babae ang iniiwan at puso ay sinusugatan? Bakit sila inaabuso at damdamin nila ay pinaglalaruan? Bakit din may mga Inang nahihirapan at mata ay palaging luhaan. Bakit sila iniiwan at pinapabayaan? Ganyan na ba kalupit sa kanila ang kapalaran? Bakit may mga anak na lumalaking walang ama na nasisilayan? Mga biktima ng mundong makasalanan. Bakit may mga anak na maagang iniiwan dahil ang kanilang Ina ay nangibang bayan? Sapat bang dahilan ang kahirapan? Ito ang mga katanungang naglalaro sa aking isipan. Na baka sa pagsusulat ko matatagpuan ang mga kasagutan. Karamihan sa nilalaman ng libro na ito ay tungkol sa pag-ibig. Na maaring makapag-pakilig at makapag-paiyak sa mga makakabasa nito. Maging bata ka man o matanda na. May asawa o kasintahan ka man o di kaya wala. Maaring makikita ninyo ang mga sarili ninyo sa mga sinulat ko, at baka sabihin niyo pang ?parang ako lang? o ?pinagdaanan ko yan?. May mga tungkol din sa buhay ng tao. Buhay ko mismo at buhay ng mga taong nasa paligid ko. Mga nakikita ko na pinagdadaanan nila. Sa hirap man o sa ginhawa, sa lungkot at saya. Magsisilbing inspirasyon para sa lahat at kapupulutan na rin ng aral. Mga paalala at mga patama na makakatulong naman sa atin talaga.